Працаўнікі Федэральнай службы бяспекі Расеі затрымалі консула генеральнага консульства Японіі ва Уладзівастоку Мотакі Тацуноры. Дыпламата абвінавачваюць у шпіянажы і высылаюць з краіны, паведамляе расейскае ведамства.
ФСБ Расеі паведамляе пра затрыманне ва Уладзівастоку консула генеральнага консульства Японіі Мотакі Тацуноры. Дыпламата абвінавачваць у шпіянажы. Нібыта консул за грашовую ўзнагароду збіраў звесткі абмежаванага распаўсюджвання аб актуальных аспектах супрацы Расеі з адной з краінаў Азіяцка-ціхаакіянскага рэгіёну, уплыве санкцыйнай палітыкі Захаду на эканамічную сітуацыю ў Прыморскім краі.
Мотакі Тацуноры аб’явілі персонай нон грата.
Алена Аляксандрава belsat.eu