Міністэрства абароны Беларусі паведамляе, што адно з падраздзяленняў 120-й асобнай механізаванай брыгады рыхтуецца да маршу.
«З сённяшняга дня адно з падраздзяленняў матэрыяльнага забеспячэння 120-й асобнай механізаванай брыгады прыводзіцца ў гатовасць да выканання задачаў паводле прызначэння.
Плануецца зняцце з захоўвання ўзбраення, вайсковай і спецыяльнай тэхнікі, з наступным здзяйсненнем маршу ў прызначаны раён», – адзначаецца ў прэс-рэлізе Міністэрства абароны.
У які раён будзе здзейснены марш – не ўдакладняецца.
За апошні час гэта не першы выпадак, калі ў механізаваных падраздзяленнях Узброеных сілаў Беларусі здымаюць з захоўвання вайсковую тэхніку і зброю. Напрыклад, у пачатку сакавіка здымалі тэхніку з захоўвання ў 6-й асобнай гвардзейскай механізаванай брыгадзе, а ў канцы студзеня – у 11-й асобнай механізаванай брыгадзе.
Глеб Нержын belsat.eu