Былую журналістку catholic.by і верніцу Аксану Ючкавіч затрымалі 23 студзеня, калі ў Беларусі праходзілі масавыя арышты былых палітвязняў і сваякоў палітвязняў. Пра гэта паведамляе «Хрысціянская візія».
«Аксана Ючкавіч паходзіць з парафіі ў Парафіянаве. Верніца асабліва вядомая сярод каталікоў Менску, дзе яна арганізоўвала шматлікія падзеі і мерапрыемствы», – піша «Хрысціянская візія».
Catholic.by – гэта афіцыйны партал Каталіцкага касцёлу ў Беларусі.
Аксана Ючкавіч пазначаная як выкладчыца польскай мовы на сайце Цэнтру славянскіх культураў і моваў. У красавіку 2023 года сілавікі затрымалі дырэктарку цэнтру Ірыну Зімневу. У офісе арганізацыі прайшлі ператрусы. Зімневу абвінавацілі ў хуліганстве, а ў тэлефоне нібыта знайшлі выявы ў бел-чырвона-белых колерах.
Арсен Рудэнка belsat.eu
