Адбылася сустрэча прэзідэнта Украіны Уладзіміра Зяленскага і прэзідэнта Польшчы Анджэя Дуды. Паведамляецца, што перамовы доўжыліся 2 гадзіны.
22 снежня ў Жэшаве адбылася сустрэча прэзідэнта Польшчы Анджэя Дуды з яго ўкраінскім калегам Уладзімірам Зяленскім. Сустрэча адбылася падчас вяртання ўкраінскага лідара дадому пасля візіту ў ЗША.
«Перамовы ў фармаце сам-насам і сустрэча дэлегацый пад старшынствам прэзідэнтаў працягваліся дзве гадзіны. Уладзімір Зяленскі паведаміў Анджэю Дудзе пра дэталі свайго візіту ў ЗША. Лідары таксама абмеркавалі стан двухбаковых польска-ўкраінскіх стасункаў ва ўмовах працяглай расейскай агрэсіі супраць Украіны», – паведамляе прэсавая служба прэзідэнта Польшчы.
У сваю чаргу, тэлеграм-канал Зяленскага паведаміў, што ён «дарогаю дадому сустрэўся з сябрам Украіны – прэзідэнтам Польшчы Анджэем Дудам. Падсумавалі вынікі года, які прынёс гістарычныя вызавы праз поўнамаштабную вайну. Абгаварылі стратэгічныя планы на будучыню, двухбаковыя адносіны і ўзаемадзеянні на міжнародным узроўні ў 2023 годзе.
Антон Тачняк belsat.eu