Cуд Фрунзенскага раёну Менску агучыў вырак рэдактару спецпраектаў парталу ABW.by Юрыю Гладчуку – 2,5 года калоніі, паведамляе «Новы час».
Юрый Гладчук.
Фота: Юрий Гладчук / Facebook
Юрыя Гладчука судзілі паводле двух артыкулаў Крымінальнага кодэксу:
- арт. 368 ч. 1 («Абраза прэзідэнта»);
- арт. 342 ч. 1 («Арганізацыя і рыхтаванне дзеянняў, якія груба парушаюць грамадскі парадак, або актыўны ўдзел у іх»).
Падрабязнасці справы пакуль невядомыя. У канцы лютага Менгарсуд разгледзіць апеляцыйную скаргу на прысуд.
Нагадаем, супрацоўнікаў парталу «Аўтабізнес» – галоўнага рэдактара Юлію Мудрэўскую, рэдактара парталу Вадзіма Зянкевіча і рэдактара спецпраектаў Юрыя Гладчука – сілавікі затрымалі 16 чэрвеня 2022 года. Суд над Мудрэўскай пачаўся ў верасні 2022 года, яе асудзілі паводле арт. 342 на 1,5 года калоніі.
Алена Рувіна belsat.eu
