Падраздяленні вайсковай авіяцыі Беларусі і Расеі сумесна адпрацавалі баявое прымяненне
У Беларусі працягваецца лётна-тактычнае вучэнне авіяцыйных падраздзяленняў узброеных сіл Беларусі і Расеі. 20 студзеня яны сумесна адпрацавалі баявое прымяненне. Аб гэтым паведамляе міністэрства абароны РБ.
Паводле паведамлення, падчас лётна-тактычнага вучэння ўзброеных сіл Беларусі і Расеі авіяцыйныя падраздзяленні «выканалі задачы баявога прымянення».
«Усе экіпажы адпрацавалі па запланаваным заданні. Беларускія Су-30СМ прыкрывалі ўдарную групу расейскіх бамбавікоў Су-34, якія адпрацавалі па зададзеных цэлях. У далейшым штурмавая авіяцыя нанесла паражэнне сродкам СПА ўмоўнага суперніка і яго камандных пунктах», – гаворыцца ў паведамленні.
У вучэнні таксама ўдзельнічалі экіпажы верталётаў. Па апорных пунктах умоўнага суперніка нанеслі ўдары штурмавыя верталёты Мі-24, а экіпажы Мі-8МТВ-5 вучыліся выратоўваць збітых калегаў, адпрацаваўшы пошукава-выратавальныя задачы.
Тым часам, застаюцца не выкарыстанымі ў вучэнні ўсепагодныя бамбавікі-ракетаносцы СУ-24, аб прылёце якіх паведамлялася 19 студзеня. Таксама невядома, для адпрацоўкі якіх задач расейскія самалёты начэплены аэрабалістычныя ракеты «Калібр», заўважаныя на палігоне ў Мачулішчах пад Менскам таксама 19 студзеня.
Антон Тачняк belsat.eu
