На суботу і нядзелю, 18-19 лютага, сіноптыкі аб’явілі штармавое папярэджанне з аранжавым узроўнем небяспекі, паведамляе Белгідраметцэнтр.
У суботу ў многіх раёнах, у тым ліку ў Менску раніцай і днём, прагназуецца ўзмацненне ветру парывамі да 15-20 м/с, а па паўднёвым захадзе краіны – і да 21-24 м/с. Вецер будзе заходняга напрамку.
У нядзелю, а таксама ноччу і раніцай панядзелка ветранае надворʼе захаваецца.
На выходных надворʼе будзе воблачным, на большай частцы тэрыторыі чакаюцца ападкі. На дарогах месцамі зʼявіцца галалёдзіца. Тэмпература паветра па краіне ноччу складзе -1..+2°С, днём +4..+6°С. У Менску днём будзе +2..+4°С, увечары +1..+3°С. Верагоднасць ападкаў – 70-80%.
Алена Рувіна belsat.eu