Колькасць ахвяраў аднаго з самых разбуральных землятрусаў за апошнія дзесяцігоддзі ў Турцыі і Сірыі ўжо перавысіла 45 тысяч чалавек, перадае Аljazeera. Аднак колькасць загінулых прадаўжае расці па меры разбору завалаў.
Раніцай 18 лютага міністр унутраных спраў Турцыі Сулейман Сойлу заявіў, што знойдзены целы 39 672 загінулых, пацярпелі 105 505 чалавек. Ён таксама заявіў, што пошукава-выратавальныя работы па большай частцы завершаны. Больш за 84 тысяч будынкаў былі разбураныя.
Апошнія звесткі аб загінулых у Сірыі былі 17 лютага, тады гаварылася аб больш як 5800 загінулых: 1414 на тэрыторыях, якія кантралююцца ўрадам, і каля 4400 – на тэрыторыях пад кантролем апазіцыі.
Аднак праз 12 дзён пасля трагедыі пад заваламі ратавальнікі да гэтага часу знаходзяць тых, хто выжыў. Так, 17 лютага, праз 278 гадзін пасля катастрофы з-пад завалаў будынку ў горадзе Дэфне ратавальнікі знайшлі жывога 45-гадовага мужчыну Хакана Ясінаглу.
У пацярпелым рэгіёне 17 лютага яшчэ працавалі 29 тысяч ратавальнікаў з розных ведамстваў, у тым ліку 11 тысяч тых, хто прыехаў дапамагаць з іншых краінаў. Раніцай 18 лютага стала вядома, што ўсе беларускія ратавальнікі, якія дапамагалі разбіраць завалы, вярнуліся з Турцыі на радзіму.
Нагадаем, 6 лютага на паўднёвым усходзе Турцыі адбылося два землятрусы магнітудай больш за сем балаў. Першае адбылося ў 04:17 па мясцовым часе магнітудай 7,7 бала і ў 13:24 – 7,6 бала. Прэзідэнт Рэджэп Таіп Эрдаган аб’явіў у Турцыі агульнанацыянальную жалобу па ахвярах стыхійнага бедства.
Разбуральны землятрус адчулі і ў суседніх краінах, у тым ліку, у Сірыі, Ліване, грэчаскім Кіпры і Іраку.
Алена Рувіна belsat.eu