Лідарка дэмакратычнай Беларусі наведала фэст «Тутака» і сустрэлася з беларусамі. Telegram-канал Святланы Ціханоўскай апублікаваў фота з фестывалю, які прайшоў 14–15 ліпеня на Падляшшы ў Польшчы.
Святлана Ціханоўская 14–15 ліпеня наведала Падляшша ў Польшчы. Адным з месцаў, дзе яна змагла сустрэцца з беларусамі, стаў фэст «Тутака».
«Я нават не магу перадаць, якая энергія і атмасфера была на фестывалі. Так шмат любові і пазітыву ў адным месцы. Канцэрты беларускіх музыкаў, актыўнасці для дзетак і дарослых ад ініцыятываў і актывістаў, прэзентацыя кніг і фільмаў, дыскусіі на важныя тэмы…»
Лідарка дэмакратычнай Беларусі таксама ўзяла ўдзел у афіцыйных сустрэчах у Беластоку. Спаткалася з асобамі, якія падтрымваюць беларускія традыцыі і культуру на Падляшшы.
Алена Аляксандрава belsat.eu