У праўладных тэлеграм-каналах з’явілася інфармацыя аб затрыманні дырэктара кампаніі Aivitam Дзмітрыя Досава. У «пакаянным відэа» ён распавядае, што быў падпісаны на «экстрэмісцкі» тэлеграм-канал, рабіў рэпосты, на сваёй старонцы ў Facebook размясціў відэа з пратэстаў у жніўні 2020 года.
У праваабаронцаў няма інфармацыі, калі быў затрыманы дырэктар Aivitam і дзе знаходзіцца зараз, піша DEV.by.
Дзмітрый Досаў – венчурны інвестар і ІТ-прадпрымальнік. Быў CEO і сузаснавальнікам кампаніі «Humansee Labs» і заснавальнікам праекту «The Heroes Media». У 2019 годзе быў адным з арганізатараў адборачнага конкурсу стартапаў «Seedstars World» у Менску.
МГ belsat.eu