Прэзідэнт Уладзімір Зяленскі ў інтэрвʼю італьянскім медыям выказаўся наконт сітуацыі ў Беларусі.
«Я не лічу, што Беларусь – гэта Расея. Расея робіць усё, каб зрабіць з Беларусі Расею. Нават не так, каб зрабіць яе часткай Расеі… Але людзі, больш за 70% насельніцтва Беларусі сёння супраць Расеі, засмучаныя вайной, падтрымліваюць Украіну…
І гэта ўжо вялікая розніца. Гэта значыць, што, нягледзячы на інфармацыйную палітыку і на любыя наратывы, беларусы змагаюцца.
Гэта складана, калі табе па тэлебачанні, у інтэрнэце і газетах гавораць, што Расея твой брат, а Украіна вораг, складана жыць у гэтым наратыве. Але яны змагаюцца, і я лічу, што грамадства Беларусі застанецца незалежным», – цытуе прэзідэнта «Украінская праўда».
«Гэта складана, гэта таксама вайна, – падкрэсліў Зяленскі, – У іх няма ахвяр, але ёсць страчаныя людзі, якім прамылі мазгі. Гэта вайна за незалежнасць, свабоду выбару. Яны разумеюць, што яны могуць быць наступныя. Яны, Малдова ці балтыйскія дзяржавы – хто наступны?»
Глеб Нержын belsat.eu