Журналісту Вячаславу Лазараву інкрымінуюць «садзейнічанне экстрэмісцкай дзейнасці». Пра гэта паведамляе «Вясна».
14 сакавіка сталася вядома, што журналіста Вячаслава Лазарава абвінавачваюць паводле ч. 1 арт. 361-4 КК («Садзейнічанне экстрэмісцкай дзейнасці»).
Нагадаем, Вячаслаў Лазараў быў затрыманы сілавікамі 9 лютага ў Віцебску. Пры затрыманні ў яго забралі тэлефоны і відэакамеру. Спачатку Лазарава павезлі ў Следчы камітэт, потым родныя не ведалі пра ягоны лёс аж да 11 лютага, калі высветлілася, што журналіст у віцебскім ІЧУ.
Цяпер Вячаслава ўтрымліваюць у віцебскім СІЗА № 2, і яго можна падтрымаць грашовымі пераводамі, пасылкамі, тэлеграмамі на адрас: Вячаслаў Дзмітрыевіч Лазараў, СІЗА № 2, вул. Гагарына, 2, 210026, г. Віцебск.
Антон Тачняк belsat.eu
