Сейм Латвіі 11 жніўня прыняў заяву ў сувязі з вайною ва Украіне. Пра гэта паведамляе сайт латышскага парламенту.
У дакуменце латышскія дэпутаты абвясцілі Расею дзяржавай, якая падтрымлівае тэрарызм, а яе гвалт у дачыненні мірных украінцаў – тэрарызмам.
У заяве падкрэсліваецца, што Расея з мэтай акупацыі Украіны выкарыстоўвае пакуты і запалохванне як інструмент у сваіх спробах дэмаралізаваць украінскі народ і Збройныя сілы, паралізаваць здольнасць дзяржавы дзеяць.
Таксама парламент заклікаў краіны Еўразвязу спыніць выдачу візаў грамадзянам Расеі і Беларусі, бо маштабнае ўварванне ва Украіну ажыццяўлялася «пры падтрыманні і ўдзеле беларускага рэжыму».
За рашэнне прагаласавалі 67 дэпутатаў Сейму. Не галасавалі прысутныя ў зале дэпутаты «Згоды» і два пазафракцыйныя дэпутаты.
Якуб Хруст belsat.eu
