Паводле заявы беларускага Міністэрства замежных справаў, ведамства не мае інфармацыі аб пацярпелых беларусах падчас маштабнай атакі на Ізраіль з боку групоўкі «Хамас».
У паведамленні, якое з’явілася ў Telegram-канале МЗС Беларусі, адзначаецца, што пасольства Беларусі ў Тэль-Авіве засаецца ў кантакце з кампетэнтнымі органамі Ізраілю і пастаянна адсочвае сітуацыю.
Акрамя таго, МЗС Беларусі выказала «сур’ёзную заклапочанасць у сувязі з рэзкім абвастрэннем сітуацыі ў Ізраілі, якое суправаджаецца чалавечымі ахвярамі», і заклікала бакі супрацьстаяння прыняць тэрміновыя захады для дээскалацыі напружанасці ў рэгіёне.
Таксама ведамства дае тэлефон беларускага пасольства для экстраннай сувязі: +972 50 521 48 19.
Нагадаем, сёння раніцай групоўка «Хамас» абвесціла пачатак аперацыі «Паводка Аль-Акса» супраць Ізраілю і атакавала краіну ад поўдня да цэнтру больш як 5 тысячамі ракет і снарадаў. На гэты момант паведамляецца пра параненых, забітых і ўзятых у закладнікі цывільных грамадзянах краіны.
Раман Шавель belsat.eu