6 чэрвеня сілавікі ў Віцебску схапілі Таццяну Пыцько. Вядома, што жанчына цяпер за кратамі, піша Беларуская асацыяцыя журналістаў.
Таццяну Пыцько, жонку палітвязня відэаператара-фрылансера Вячаслава Лазарава затрымалі. Іх дачку, якой крыху больш за год, накіравалі на ўтрыманне ў дзіцячы шпіталь, так робіцца ў тых выпадках, калі ў дзіцяці няма побач блізкіх сваякоў ці апекуноў.
Таццяну маглі затрымаць у межах крымінальнай справы, але падрабязнасцяў пакуль няма.
Відэаператар-фрылансер Вячаслаў Лазараў за кратамі ўжо 4-ы месяцы, яго абвінавачваюць паводле арт. 361-4 КК(«Спрыянне экстрэмісцкай дзейнасці»).
Алена Аляксандрава belsat.eu