У Менскім гарадскім судзе 2 снежня абвесцілі прысуды былому журналісту Белтэлерадыёкампаніі і пазаштатнаму карэспандэнту казахстанскага тэлеканалу «Хабар 24» Дзмітрыю Лукшу, ягонай жонцы Паліне Палавінцы, Дзянісу Яроўскаму, а таксама Канстанціну Ніканораву.
Чацвярых падсудных абвінавацілі ў «дыскрэдытацыі Беларусі» (арт. 369-1 КК), а таксама «актыўным удзеле ў групавых дзеяннях, якія груба парушаюць грамадскі парадак» (арт. 342 КК). У выніку суддзя Наталля Бугук прызначыла:
Дзмітрый Лукша шмат гадоў працаваў у Белтэлерадыёкампаніі, быў вядоўцам праграмы «Зона X». Таксама быў пазаштатным карэспандэнтам казахстанскага тэлеканалу «Хабар 24», і падставай для затрымання стаў ягоны апошні сюжэт на канале. Дзмітрыя затрымалі 11 сакавіка 2022 года пасля ператрусу ў кватэры ў Менску. Ягоная жонка Паліна Палавінка таксама была затрыманая, але 2 чэрвеня 2022 года, і яна праходзіць у той жа крымінальнай справе. Паводле версіі абвінавачання, Лукша дзеля дыскрэдытацыі краіны з дапамогаю аператара стварыў шэраг відэасюжэтаў, якія змяшчалі заведама ілжывую інфармацыю.
Акрамя таго, паводле версіі абвінавачання, у 2020 годзе Лукша, ягоная жонка і двое іншых абвінавачаных бралі актыўны ўдзел у групавых дзеяннях, якія груба парушаюць грамадскі парадак у сталіцы.
Алена Рувіна belsat.eu