З прапановай павялічыць штраф за выкіданне смецця ў лесе і спаганяць за гэта ад 50 базавых велічынь выступілі ў Бараўлянскім спецлясгасе.
Прапанову агучыў дырэктар Бараўлянскага спецлясгасу Аляксандр Мірановіч. На ягоную думку, трэба зрабіць значна больш жорсткім заканадаўства за выкіданне смецця ў лясны фонд.
,,«Папярэджанні не працуюць, як і штрафы ў памеры некалькіх базавых. Старт павінны пачынацца ад 50 базавых велічыняў, тады будзе і іншае стаўленне грамадзянаў», – адзначыў Аляксандр Мірановіч.
Паводле ягоных словаў, ледзь не ўвесь лясгас у летні перыяд задзейнічаны на прыбіранні «несанкцыянаванага смецця». Гэта адцягвае работнікаў спецлясгасу ад іншых, не менш важных задач.
На сённяшні дзень штраф за выкіданне смецця ў лесе складае да 10 базавых велічыняў. 1 базавая велічыня роўная сёння 42 рублям.
Раман Шавель belsat.eu
