Кіраўніца ўраду Італіі Джорджа Мелоні заявіла, што неабходна тэрмінова арганізаваць саміт з удзелам ЗША, еўрапейскіх дзяржаў і хаўруснікаў, каб абмеркаваць надзённыя пытанні, якія датычацца Украіны і будучых выклікаў. Паводле яе слоў, Італія мае намер прапанаваць гэтую ініцыятыву партнёрам у найбліжэйшым часам.
Джорджа Мелані падкрэсліла, што любы разлад сярод заходніх краін аслабляе агульныя пазіцыі і выгадны тым, хто жадае заняпаду заходняй цывілізацыі.
,,«Неабходна тэрмінова правесці саміт паміж Злучанымі Штатамі, еўрапейскімі дзяржавамі і хаўруснікамі, каб адкрыта пагаварыць пра тое, як мы збіраемся вырашаць сур’ёзныя праблемы сучаснасці, пачынаючы з Украіны, якую мы разам абаранялі апошнія гады, і пра выклікі, што нам давядзецца пераадольваць у будучыні. Гэта прапанова, якую Італія мае намер агучыць сваім партнёрам найбліжэйшым часам. Кожны раскол Захаду робіць нас усіх слабейшым і выгадным тым, хто хацеў бы бачыць заняпад нашай цывілізацыі», – заявіла прэм’ер-міністр Джорджа Мелоні.
Нагадаем, што перамовы Доналда Трампа і Уладзіміра Зяленскага, што адбыліся 28 лютага ў Авальнай зале Белага дома, ператварыліся ў спрэчку з-за рознагалоссяў у падыходах да вырашэння канфлікту ва Украіне.
Па выніках сустрэчы ўсе далейшыя мерапрыемствы, сярод якіх была запланаваная размова пры зачыненых дзвярах, падпісанне ўгоды па карысных выкапнях і прэс-канферэнцыя, былі адмененыя. Уладзімір Зяленскі разам з украінскай дэлегацыяй пакінулі Белы Дом.
Раман Шавель belsat.eu
