26 студзеня беларусы і беларускі збяруцца ў Варшаве на форум «Беларусі годныя лепшага». А 16:00 менскага часу «Белсат» у эфіры і на YT-канале «Белсат News» распачне жывую трансляцыю з падзеі.
На месцы для вас будзе працаваць Сяргей Пеляса, а найбольш актуальную інфармацыю пра хаду выбараў са студыі будзе перадаваць Алесь Залеўскі.
Арганізатары абяцаюць цікавую і яскравую праграму. Удзельнікі падзеляцца сваімі поглядамі на самыя актуальныя тэмы і абмяркуюць ключавыя пытанні пра будучыню Беларусі. Сярод спікераў – Святлана Ціханоўская, Павел Латушка, Аляксандр Кныровіч, Андрэй Стрыжак, Роза Турарбекава, Сцяпан Пуціла ды іншыя.
У выпадку блакавання YouTube шукайце стрым на сайце vod.tvp.pl.
