Як граць з уласным ценем: іранскі тэатр у Менску

photo

Тэатр «Барыш» з іранскай Марагі прадставіў спектакль «Цені і вецер» на менскім фестывалі студэнцкіх тэатраў «Тэатральны куфар».

«Цені і вецер» – гэта не мікс двух відаў тэатраў, класічнага і ценяў. Цені ў іранцаў – героі спектаклю, граюць, па сутнасці, саміх сябе. Пад спачатку наіўнай забавай актораў са сваймі адбіткамі на сцэне паступова пачала разварочвацца сур’ёзная праблема адзіноты.

Паводле аўтараў спектаклю, самотны чалавек застаецца сам насам з уласным ценем. Гульня з ёй можа зацягнуць у глыбіні падсвядомасці, выяўляючы ў гэтым працэсе мноства галасоў і масак, а з імі – праблемы і заганы, якія знішчаюць чалавека знутры і прымушаюць балансаваць яго на мяжы рэальнасцяў, даводзяць да шаленства.

Фота: АС, belsat.eu

Тэгі: ,
Глядзі таксама
Каментары