12-гадовы школьнік распыліў газавы балончык у раздзявалцы Палацу водных відаў спорту.
Пра гэта распавёў афіцыйны прадстаўнік УУС Берасцейскага аблвыканкаму Сяргей Дучэнка.
Раніцай 16 лістапада міліцыянты даведаліся, што невядомы распыліў газ у раздзявалцы Палацу водных відаў спорту. У выніку здарэння ў абласную дзіцячую больніцу з дыягназам «інгаляцыйнае атручванне выпадковым хімічным рэчывам – газам СХ» шпіталізавалі шасцёра дзяцей 2005 і 2006 гадоў нараджэння. Эвакуацыю наведнікаў з будынку спарткомплексу не праводзілі.
На месца выкліку прыязджала аператыўна-следчая група. Выявілася, што газавы балончык распыліў 12-гадовы вучань адной са школаў Берасця.
Цяпер праводзіцца праверка. На дадзены момант вядома, што пацярпелых дзяцей выпісалі з больніцы. Іхнаму здароўю нічога не пагражае.
Глядзіце таксама:
НМ, belsat.eu, паводле БелТА, фотаздымак з сайту mega-u.ru