Не менш за 22 асобы сталі ахвярамі страляніны ў ЗША. Падазраванага яшчэ не затрымалі
У выніку страляніны ў горадзе Льюістан у штаце Мэйн загінулі не менш за 22 асобы, паведамляе CNN. Забойцу яшчэ не затрымалі. Падазраваны – інструктар у агнястрэльнай зброі, ён праходзіў адпаведнае навучанне на вайсковай базе. Мужчына ўчыніў масавае забойства ў клубе боўлінгу і бары.
«Мы заклікаем усе прадпрыемствы зачыніцца, пакуль трывае расследаванне, а жыхарам заставацца ўдома», – гаворыцца ў паведамленні мясцовай паліцыі. Падазраваны, 40-гадовы Робэрт Кард, усё яшчэ на волі.
Ён адкрыў страляніну ў клубе боўлінгу і бары ў Льюістане – другім паводле велічыні горадзе штату Мэйн. Агенцтва «The Associated Press» піша, што «горад ахапіў хаос».
Кард – інструктар стральбы, ён праходзіў адпаведнае навучанне на вайсковай базе, ён таксама рэзервіст арміі ЗША. Ягоныя матывы пакуль не высветленыя.
Паводле непацверджаных звестак агенцтва, сёлета ўлетку мужчына два тыдні прабыў у псіхіятрычнай лякарні, аднак невядома, з якой нагоды.
У выніку страляніны загінулі не менш за 22 асобы, пацярпелых – 50. У горадзе трывае маштабная паліцэйская аперацыя.
СК belsat.eu
