BEROC у межах маніторынгу эканомікі Беларусі прадставіў даследаванне «Хатнія гаспадаркі. Восень 2023», піша belmarket.by
Здымак мае ілюстрацыйны характар.
Фота: Белсат
Яго асноўныя высновы:
- Аднаўленне індэксу спажывецкай упэўненасці прыпынілася
- Горш за ўсё рэспандэнты ацэньваюць бягучы стан краіны: 39 % лічаць, што эканамічная сітуацыя пагоршылася
- Доля людзей, якія ў кастрычніку 2023 года паведамілі аб зніжэнні сваіх даходаў за апошні месяц, дасягнула чарговага мінімуму і склала 30,7 %.
І толькі 34 % беларусаў адчулі, што іхныя прыбыткі выраслі за апошнія паўгода, паводле звестак апытання хатніх гаспадарак.
Таксама на рынку працы Беларусі стала актуальнай праблема дэфіцыту кадраў.
«43 % рэспандэнтаў адзначылі, што ў сферы, дзе яны працуюць, адчуваецца недахоп кадраў. З іх 70 % лічаць, што недахоп кадраў утварыўся з-за нізкіх заробкаў», – пішуць спецыялісты BEROC.
СП, belsat.eu
