Лідары краінаў «нармандскай чацвёркі» каментуюць вынікі менскага саміту.
Сайт прэзідэнта Расеі апублікаваў тэкст Дэкларацыі, якую прынялі лідары «нармандскай чацвёркі».
12:30 Лідары краінаў «нармандскай чацвёркі» пакінулі Палац Незалежнасці. Першым сыходзіў Уладзімір Пуцін, апошнім – Пятро Парашэнка.
[vc_single_image image=”2″ img_size=”large”]
12:15 Перамовы скончыліся. Уладзімір Пуцін паведаміў, што падчас іх удалося дамовіцца аб спыненні агню з 15 лютага, а таксама аб адводзе цяжкага ўзбраення: ад сённяшняй лініі судотыку для ўкраінскіх войскаў і ад лініі, зафіксаванай Менскімі пагадненнямі 19 верасня, для ДНР і ЛНР.
12:00 Пуцін выйшаў да журналістаў і распавядае пра вынікі перамоваў. На думку расейскага прэзідэнта, складанасць перамоваў заключалася ў тым, што ўкраінскія ўлады не хочуць кантактаваць наўпрост з прадстаўнікамі ДНР і ЛНР.
Ангела Мэркель, Франсуа Алянд, Пятро Парашэнка і Уладзімір Пуцін вялі перамовы працягам 13 гадзінаў. МЗС Украіны: Расея спрабуе выгандляваць Дэбальцава для тэрарыстаў. Пра гэта напісаў у Twitter амбасадар па асаблівых даручэннях украінскага знешнепалітычнага ведамства Дмытро Кулеба.
10:50 Лідары ДНР і ЛНР адмовіліся падпісаць дакумент «нармандскай чацвёркі», – ТАСС.
10:35 Парашэнка заявіў пра непрымальныя ўмовы Пуціна, – «РІА Новости». «Пакуль добрых навінаў няма», – сказаў журналістам прэзідэнт Украіны.
10:20 Перамовы аднавіліся.
Па сцвярджэнні Ria.ru, падпісаны дакумент прадугледжвае перамір‘е з 14 лютага.
10:10 Перамовы скончыліся, інфармуе «РІА Новости».
10:00 Прэзідэнт Францыі Франсуа Алянд і канцлер Нямеччыны Ангела Мэркель, магчыма, раніцай правядуць у Менску сумесную прэс-канферэнцыю, паведамляе БелТА.
08:30 Чакаецца падпісанне дакументу лідарамі Нямеччыны, Францыі, Украіны і Расеі, на 13-й ці 14-й гадзіне перамоваў. Выніковы дакумент саміту перададуць кантактнай групе (Украіна – Расея – АБСЕ), паведамляе «РІА Новости». Паводле агенцтва ТАСС, выніковая дэкларацыя ўключыць 12 ці 13 пунктаў.
01:40 Стала вядома, што магчыма, пасля заканчэння перамоў лідэры краін–удзельніц выступяць толькі са сваімі заявамі. Сесіі пытанняў-адказаў не будзе.
00:45 Падпісанне пагаднення па ўрэгуляванні канфлікту на ўсходзе Украіны магчыма ўжо заўтра. Пра гэта заявіў кіраўнік расейскага МЗС Сяргей Лаўроў, піша «РИА-Новости».
00:25 «Перамовы, магчыма, будуць да раніцы», – адзначыў намеснік кіраўніка расейскага МЗС Георгій Карасін, паведамляюць «РИА-Новости».
00:20 «Перамовы ідуць, лепш, чым супер», – заявіў міністр замежных спраў Расеі Сяргей Лаўроў, паведамляюць «РИА-Новости».
00:05 Перамовы лідараў краін «нармандскага чацвёркі» працягваюцца ў вузкім складзе, заявіў прэс-сакратар расейскага прэзідэнта Дзмітрый Пяскоў. Памочнік Пуціна Юрый Ушакоў адзначыў, што перамовы «ідуць вельмі інтэнсіўна», паведамля rg.ru.
23:40 У выпадку дасягнення дамоўленасці аб увядзенні міратворчага кантынгенту ДНР зацікаўлена ў тым, каб міратворцамі на паўднёвым усходзе Украіны сталі прадстаўнікі Расеі альбо Беларусі, заявіў спікер Народнага савета самаабвешчанай рэспублікі Андрэй Пургін, паведамляе РИА-Новости.
23:15 «Казаць пра вынікі пакуль рана. Пазітыўныя зрухі ёсць, але ці будзе канчатковы вынік – пакажа час», – сказаў прадстаўнік самаабвешчанай ДНР Дзяніс Пушылін у эфіры тэлеканала «Расея-24».
22:55
Як доўга працягнуцца перамовы невядома, але лідары краінаў павінны падпісаць дэкларацыю аб неабходнасці выканання менскіх дамоўленасцяў, паведамляе «Интерфакс-Украина». Таксама магчыма, што пасля перамоваў яны выступяць з сумеснай заявай.
22:50 Прэзідэнт Украіны Пётр Парашэнка падчас перамоваў выходзіў для тэлефоннай размовы з Генеральным штабам Узброеных сіл Украіны, паведаміла народны дэпутат ад Блока Пятра Парашэнкі Ірына Фрыз, піша interfax.by
22:42 Калі перамовы не прынясуць патрэбных вынікаў, Еўразвяз можа пашырыць санкцыі супраць Расеі, піша EUobserver.
22:13
Журналісты паразмаўлялі з Уладзімірам Макеям. Міністр замежных спраў Беларусі паведаміў, што для дасягнення пазітыўнага выніку спатрэбіцца ўхваленне прынятага дакументу ўсімі ўдзельнікамі. Гэтым ён пацвердзіў факт, што на пасяджэнні кантактнай групы і сустрэчы ў фармаце «нармандскай чацвёркі» разглядаецца адзін і той жа дакумент.
Макей таксама паведаміў журналістам, што рашэнне пра правядзенне саміту ў Менску было прынятае ў нядзелю, але «дасвядчэнне дазволіла хутка падрыхтавацца».
22:08 Лідары «нармандскай чацвёркі» выйшлі да журналістаў, каб зрабіць фатаграфію. Пуцін не хаваў сваёй задаволенасці. Усміхаўся таксама Парашэнка. Палітыкі перайшлі ў іншую залю. Цяпер перамовы праходзяць за зачынеными дзвярыма ў пашыраным фармаце – да чацвёркі далучыліся дэлегацыі і главы МЗС.
[vc_single_image image=”15″ img_size=”large”]
19:55 Лідары самаабвешчаных ДНР і ЛНР Аляксандр Захарчанка і Ігар Платніцкі таксама прыехалі ў беларускую сталіцу, дзе праходзіць працяг сустрэчы кантактнай групы па Данбасе. Яны знаходзяццаў Менску, каб падпісаць дакумент па ўрэгуляванні канфлікту на ўсходзе Украіны ў выпадку поспеху перамоваў лідараў «нармандскай чацвёркі», паведамляе korrespondent.net са спасылкай на крыніцу «Інтэрфаксу».
Кіраўнікі дзяржаваў так і не выйшлі да прэсы для сумеснага фотаздымка. Цырымонію фатаграфавання адмянілі. Далейшы парадак правядзення сустрэчы невядомы. Паводле журналістаў, якія знаходзяцца ў Палацы незалежнасці, сказалі, што яны пакуль могуць быць свабодныя.
[vc_single_image image=”17″ img_size=”large”]
19:20 Перамовы ў фармаце чацверкі пачаліся.
Пуцін прыбыў у Палац незалежнасці апошнім. Яго прывітаў Александр Лукашэнка.
Журналіста тэлеканала «Россия» выдалілі з Палацу незалежнасці пасля таго, як той задаў Парашэнку пытанне, чаму ўкраінскія войскі бамбяць мірных жыхароў.
Канцлер Нямеччыны прымае ўдзел у менскім саміце «нармандскай чацвёркі».
Прыблізна а 18:40 пачалася сустрэча Аляксандра Лукашэнкі з украінскім прэзідэнтам Пятром Парашэнкам.
19:00
Апошнім у Менск прыляцеў Пуцін.
Самалёт з нямецкімі канцлерам Ангелай Мэркель і міністрам замежных справаў Франкам-Вальтэрам Штайнмаерам прыбыў у Менск. Пра гэта прыкладна а 18:15 беларускага часу паведамілі праз Twitter нямецкае МЗС.
11 лютага ў менскім Палацы Незалежнасці адбываецца саміт у «нармандскім фармаце». У яго рамках сустракаюцца лідары Нямеччыны, Францыі, Украіны і Расеі.
Tut.by паінфармаваў са спасылкай на прэс-сакратарку кіраўніка Беларусі Наталлю Эйсмант пра тое, што Аляксандр Лукашэнка можа правесці двухбаковыя сустрэчы з удзельнікамі перамоваў. Але з кім канкрэтна, невядома.
Па інфармацыі БелТА мерапрыемства асвятляюць больш за 500 журналістаў.
НМ, ДР, belsat.eu
