Згодна з парталам travel.ru, адпачынак у беларускай сталіцы абыйдзецца ў 40 еўра.
Партал для падарожнікаў Travel.ru склаў рэйтынг 50 еўрапейскіх гарадоў для наведвання на лістападаўскія святы.
Першае месца з бюджэтам 40 еўра заняў Менск.
«У беларускай сталіцы варта прагуляцца па праспекце Незалежнасці незалежнасці — архітэктурным шэдэўры, які вытрыманы ў адзіным «сталінскім» стылі, а таксама наведаць Верхні горад. Спадабаецца ў Менску і фанатам шопінгу. Усе беларускія тавары адрозніваюцца годнай якасці і нізкімі коштамі. Адсутнасць візы, блізкае размяшчэнне, ветлівая атмасфера робяць сталіцу Беларусі ўпэўненым лідарам рэйтынгу», – адзначае Travel.ru.
Далей за Менскам ідуць Санкт-Пецярбург і Бухарэст.
Эксперты вылічвалі бюджэт паездак па наступных крытэрах:
– пражыванне ў гатэлі 2-3 зоркі ў радыюсе пяці кіламетраў ад цэнтра горада;
– комплексны абед у недарагой кавярні;
– кошт агляднай экскурсіі па горадзе;
– транспартная мапа на адзін дзень для праезду ў грамадскім транспарце;
– цана квітка ў самы папулярны музей;
– праезд ад аэрапорта да цэнтра горада ў грамадскім транспарце.
ЗК, belsat.eu