Суд прызнаў дзеянні Службы бяспекі Украіны супрацьпраўнымі. Паседжанне прызначанае на 26 студзеня.
Інцыдэнт з боінгам «Белавіі» здарыўся 21 кастрычніка сёлета.
Самалёт ляцеў з Кіева ў Менск. За 50 км да ўваходу ў паветраную прастору Беларусі дыспетчар без тлумачэння прычыны загадаў неадкладна вярнуцца ў аэрапорт «Жуляны». Пілотам прыгразілі, што ў выпадку невыканання каманды ў неба падымуць баявыя знішчальнікі.
- «Калі б лайнер быў амерыканскі, Украіна задумалася б вельмі моцна»
- Ці сапсуе інцыдэнт з «Белавіяй» дачыненні паміж Украінай і Беларусcю?
Пасля пасадкі ўкраінскія праваахоўнікі знялі з рэйсу грамадзяніна Арменіі Армена Марцірасяна. Неўзабаве яго адпусцілі, і ён паляцеў у Беларусь наступным рэйсам.
Пасля інцыдэнту МЗС Беларусі ўручыў ноту Украіне. СБУ адмаўляла інфармацыю пра пагрозы ўжыць знішчальнікі.
Пасля таго, як беларускі авіяперавознік паабяцаў апублікаваць (і ў выніку апублікаваў) перамовы дыспетчара «Украэраруху» з экіпажам самалёту, рыторыка ведамства змянілася. 2 лістапада гендырэктар «Белавіі» заявіў, што Украіна заплаціць за вяртанне самалёта ў Кіеў, але гэта невялікая сума.
ДР, belsat.eu паводле oask.gov.ua
Фота Дзмітрыя Луцэвіча
