Бабіч – Лукашэнку: Гатовы рабіць усё, каб адносіны былі братэрскімі

ВІДЭА

Фота belta.by

Кіраўнік Беларусі прыняў надзвычайнага і паўнамоцнага амбасадара Расеі ў Беларусі Міхаіла Бабіча падчас цырымоніі атрымання даверных грамат амбасадарамі 12 дзяржаваў.

«Я той чалавек, які настроены на тое, каб зрабіць усё для таго, каб нашыя адносіны па-сапраўднаму былі братэрскімі, каб яны ўмацоўваліся, была і паўнавартасная эканамічная інтэграцыя, і ў той частцы, у якой магчыма, развіваўся наш палітычны саюз», – сказаў Міхаіл Бабіч.

Ён звярнуў увагу, што з пачаткам яго дыпламатычнай місіі не адкрываецца новы этап у адносінах паміж Беларуссю і Расеяй.

«Гэта працяг той сумеснай працы, якая вялася на працягу доўгіх гадоў. Тую працу, якая была праведзена раней, мы ацэньваем станоўча. Але, натуральна, неабходныя навацыі, дынаміка з улікам тых рашэнняў, якія прынятыя ў тым ліку і ў Сочы».

Міхаіл Бабіч замяніў на пасадзе Аляксандра Сурыкава. 49-гадовы амбасадар служыў у ВДВ і войсках КГБ, быў віцэ-прэм’ерам Падмаскоўя ды Іванаўскай вобласці і нават паспеў папрацаваць кіраўніком ураду Чачэніі. Два гады таму Расея планавала прызначыць яго амбасадарам ва Украіне, аднак Кіеў не даў на гэта згоды: у 2014-ым Бабіч, або, як яго ахрысціла мясцовая прэса, – «амбасадар вайны», браў удзел у вынясенні рашэння аб уводзе ў Крым расейскіх вайскоўцаў.

Па мянушцы «БМВ». Пяць малавядомых фактаў пра Міхаіла Бабіча

Расейскія медыі выказвалі меркаванне, што прызначэнне амбасадарам РФ Міхаіла Бабіча сведчыць пра тое, што Масква ўзяла курс на паглынанне Беларусі.

ДР belsat.eu

Глядзі таксама
Каментары