Старшынём руху «За свабоду» выбралі Юрася Губарэвіча

urgent

Новым старшынём руху «За свабоду» стаў Юрась Губарэвіч, які быў намеснікам кіраўніка арганізацыі Аляксандра Мілінкевіча. Старшыню выбіралі на справаздачна-выбарчай канферэнцыі з трох кандыдатаў.

Акрамя двух намеснікаў старшыні руху «За свабоду» Юрася Губарэвіча і Алеся Лагвінца сваю кандыдатуру прапанаваў таксама прадпрымальнік Алесь Таўстыка.

На справаздачна-выбарчую канфэрэнцыю ў Менск прыехалі 115 дэлегатаў.

Са 115 галасоў 59 былі аддадзеныя за Юрася Губарэвіча, 51 за Алеся Лагвінца і 2 за Алеся Таўстыку.

За права ўзначаліць рух змагаліся тры кандыдаты: намеснікі старшыні Юрась Губарэвіч і Алесь Лагвінец, а таксама актывіст Алесь Таўстыка.

За некалькі дзён да канферэнцыі Лагвінец выступіў з прапановай увесці сустаршынства ў арганізацыі, каб выключыць магчымасць расколу ў руху. Аднак Губарэвіч заявіў, што гэта з’яўляецца «слабой прапановай», якое не пойдзе на карысць арганізацыі.

«Я задаволены, што выбары прайшлі справядліва і адкрыта. І аспрэчваць няма чаго», – пракаментаваў вынікі галасавання Аляксандр Мілінкевіч.

У адпаведнасці са статутам задачамі руху «За свабоду» зʼяўляюцца: садзейнічанне пабудове грамадзянскай супольнасці і прававой дзяржавы, зацвярджэнне прынцыпаў свабоды, дэмакратыі і правоў чалавека; садзейнічанне забеспячэнню незалежнасці і суверэнітэту Рэспублікі Беларусь, павышэнне яе міжнароднага аўтарытэту; садзейнічанне стварэнню ўмоваў для правядзення ў Беларусі ўсеагульных, свабодных і роўных выбараў прэзідэнта, дэпутатаў у адпаведнасці з міжнароднымі стандартамі.

У гонцы за пасадай кіраўніка руху «За свабоду» Алесь Лагвінец атрымаў 51 голас (2-е месца).
Глядзі таксама
Каментары