Аб’яднаны пераходны кабінет дэмакратычных сілаў Беларусі апублікаваў заяву, у якой абвесціў пра дэнансацыю палітычных і вайсковых дамоваў з Расеяй, выхад Беларусі з АДКБ, ЕАЭС і СНД, прызнаў, што рашэнні ўраду Лукашэнкі не маюць юрыдычнай сілы, а таксама звярнуўся да беларускага народу і беларускіх вайскоўцаў.
Публікуем поўны тэкст заявы:
«Беларусы і беларускі!
Зарааз вырашаецца лёс нашай краіны. Стаіць пытанне існавання нашай дзяржавы. Толькі ад нас з вамі залежыць, ці зможам мы вызваліцца ад імперскага гнёту Расеі і пабудаваць вольную незалежную дзяржаву Рэспубліку Беларусь.
Аб’яднаны пераходны кабінет Беларусі звяртаецца да ўсіх беларусаў згуртавацца ў адной мэце – вызвалення ад дыктатарскага гнёту Лукашэнкі і расейскага прыгнёту.
Кабінет, створаны абранай прэзідэнткай Святланай Ціханоўскай як адзіная легітымная ўлада ў Беларусі бярэ на сябе адказнасць за лёс Беларусі і беларускага народу.
Аб’яднаны пераходны кабінет Беларусі:
У гэтай сувязі патрабуем ад Дзяржаўнага памежнага камітэту Рэспублікі Беларусь неадкладна закрыць мяжу паміж Беларуссю і Расеяй, ад Міністэрства абароны Рэспублікі Беларусь – забяспечыць вывад расейскіх войскаў з Беларусі, спыніць падрыхтоўку да размяшчэння ядравай зброі на тэрыторыі Беларусі.
Кабінет прыняў рашэнне аб стварэнні Аператыўна-сітуацыйнага штабу і заклікае нацыянальна-арыентаваныя сілы Беларусі падтрымаць дадзенае рашэнне і далучыцца да Аператыўна-сітуацыйнага штабу.
Кабінет лічыць прыярытэтным далейшую падтрымку Украіны і ўкраінскага народу ў змаганні па вызваленні Украіны і перамогі над Расеяй.
Кабінет заклікае далучацца да плану «Перамога» і рыхтавацца да актыўных дзеянняў па аднаўленні законнасці і правапарадку ў краіне.
Гэта гістарычны момант для нашай дзяржавы, для кожнага беларуса і беларускі, мы верым у перамогу і будзем разам змагацца за незалежнасць Беларусі!
Кіраўніца Аб’яднанага пераходнага кабінету Беларусі
С. Г. Ціханоўская
24 чэрвеня 2023 г.
Вільня, Варшава»
Марыя Міхалевіч belsat.eu