Прадстаўнік Аб’яднанага пераходнага кабінета (АПК) па абароне і нацыянальнай бяспецы Валерый Сахашчык, выступаючы 24 сакавіка ў Варшаве на мітынгу да Дня Волі, заявіў, што Расея і Беларусь рыхтуюць планы выкарыстання ядравай зброі і «нейкага бліцкрыгу на Вільню».
Пра гэта паведамляе «Позірк».
«Я гэта дакладна ведаю», – сказаў ён, дадаўшы, што «беларускія генералы са сваімі калегамі з Масквы малююць стрэлкі на мапах у бок Вільні».
Паводле Сахашчыка, улады Расеі і Беларусі спадзяюцца, што «цывілізаваны свет будзе шакаваны» такой эскалацыяй агрэсіі і «спыніць супраціў».
Выкарыстанне ядравай зброі і напад на Літву Масква і Менск плануюць праз няўдачы ў вайне з Украінай, мяркуе прадстаўнік АПК.
«Я, будучы спецыялістам вайсковым, маючы камунікацыю з калегамі ва ўсіх заходніх краінах, упэўнены на 100%: Расею чакае вялікая ваенная катастрофа. Я ўпэўнены, што расейскія і беларускія генералы добра гэта адчуваюць», – падкрэсліў Сахашчык.
Глеб Нержын belsat.eu