Загінулі яшчэ двое беларусаў, якія ваявалі на баку Украіны. Гэта здарылася ў другой палове студзеня на ўсходзе краіны, паведамляе радыё «Свабода» са спасылкаю на некалькі крыніцаў.
Здымак мае ілюстрацыйны характар. Развітанне з байцом палка Каліноўскага.
Фота: Полк Каліноўскага / Telegram
Дзеля бяспекі тых блізкіх ваяроў, якія цяпер у Беларусі, не называюцца імёны, пазыўныя і падраздзелы, у якіх служылі загінулыя.
З пачатку поўнамаштабнага ўварвання Расеі ва Украіну страцілі жыццё мінімум 38 беларусаў, якія змагаліся за Украіну.
Паводле падлікаў Міністэрства абароны Расеі, ва Украіне супраць расейскай агрэсіі ваююць мінімум 700 беларусаў. У чэрвені 2022 года лідарка дэмакратычных сілаў Беларусі Святлана Ціханоўская казала, што ва Украіне ёсць каля 1500 беларускіх ваяроў.
Hавiны
Мінабароны Расеі: ва Украіне могуць ваяваць каля 700 беларускіх добраахвотнікаў
2023.10.18 12:24
Арсен Рудэнка belsat.eu
