«Хвіліны шчасця». Як родныя сустракалі праваабаронцу Леаніда Судаленку пасля вызвалення (відэа)
Былы палітзняволены праваабаронца Леанід Судаленка, які выйшаў на волю 21 ліпеня, апублікаваў на сваёй старонцы ў Фэйсбуку відэазапіс пра тое, як блізкія сустракаюць яго з калоніі, як ён вяртаецца дамоў.
«Хвіліны шчасця», – так напісаў у пасце з відэа Леанід Судаленка.
Леаніда Судаленку затрымалі 18 студзеня 2021 года па дарозе на працу.
Праваабаронцу абвінавацілі паводле арт. 342 Крымінальнага кодэксу РБ («Групавыя дзеянні, якія груба парушаюць грамадскі парадак») і засудзілі на тры гады пазбаўлення волі ў калоніі ва ўмовах агульнага рэжыму.
Леанід кіраваў гомельскім аддзяленнем праваабарончага цэнтру «Вясна» і дапамагаў пісаць скаргі затрыманым падчас акцыяў пратэсту, а таксама абараняў у судах рабочых, чые правы парушалі працадаўцы.
21 ліпеня Судаленка выйшаў на волю з папраўчай калоніі №3 «Віцьба», цалкам адбыўшы тэрмін пакарання.
Марыя Міхалевіч belsat.eu
