«Дзясяткі, калі не сотні транспартавых сродкаў». Апублікаваныя новыя здымкі лагеру вагнэраўцаў
22.07.202317:39
«The Washington Post» апублікаваў спадарожнікавыя здымкі лагеру каля Асіповічаў, дзе імаверна размясціліся байцы Групы Вагнэра.
Лагер каля Асіповічаў, дзе імаверна размясціліся вагнэраўцы. 22 ліпеня 2023 года.
Фота: Maxar
Здымкі прэзентаваныя «Maxar Technologies і Umbra». На іх відаць павелічэнне колькасці тэхнікі ў параўнанні з папярэднімі здымкамі за 16 ліпеня.
Старэйшы дырэктар «Maxar» Стывэн Ўуд адзначае, што «дзясяткі, калі не сотні транспартавых сродкаў і абсталявання нядаўна прыбылі на аб’ект».
Здымак лагеру каля Асіповічаў за 16 ліпеня. На ім можна ўбачыць цяжкавікі.
Фота: Maxar
Першыя аўтамабілі з’явіліся на спадарожнікавых здымках у чацвер 13 ліпеня. Агулам вядома пра шэсць буйных калонаў тэхнікі наймітаў, якія цягам тыдня прыбылі ў Беларусі.
Hавiны
Прыбыццё вагнэраўцаў у лагер пад Асіповічамі трапіла на спадарожнікавыя здымкі
2023.07.17 11:22
Марыя Міхалевіч belsat.eu
