Добраахвотнікаў, здольных кіраваць танкамі, самалётамі ды верталётамі, шукаюць сепаратысты «Данецкай народнай рэспублікі». Адпаведная аб’ява з’явілася на сайце «Добрволец».
Паводле стваральнікаў старонкі, яны дапамагаюць «у барацьбе ўкраінскага народу і рускіх людзей, супраць акупацыйнага ўраду Украіны, і не заклікаюць да сепаратызму і гвалту. Іх мэта – перамога, а значыць – канчатак грамадзянскай вайны на тэрыторыі былой Украіны».
{movie}Калона расейскай тэхнікі з байцамі перамяшчаецца па горадзе|right|16917{/movie}
{movie}Калона расейскіх Камазаў у Горлаўцы|right|16919{/movie}
Акрамя таго, кіраўніцтву «Данецкай Народнай Рэспублікі» тэрмінова патрабуюцца гранатамётчыкі і былыя вайскоўцы, здольныя кіраваць танкамі, паведамляе партал InfoResist.
Апошнім часам мясцовыя жыхары Горлаўкі і Данецку ўсё часцей становяцца сведкамі таго, як у горад едуць грузавікі з зеніткамі расейскай вытворчасці ды іншая ваенная тэхніка.
ДР, belsat.eu
