Хлопец у ложку пасярод Варшавы і добраслаўленне жывёлінаў у Мадрыдзе. Фатаграфіі тыдня

Байцы АМАПу выстраіліся ў абарончую лінію супраць дэманстрантаў у горадзе Баймак, дзе праходзяць шматтысячныя пратэсты з-за прысуду, вынесенага мясцоваму актывісту Фаілю Алсынаву. Башкірскі суд прысудзіў да чатырох гадоў пазбаўлення волі сустаршыні забароненай у Расеі арганізацыі «Башкорт» (выступала за суверэнітэт Башкартастану, развіццё башкірскай мовы і культуры) Фаілю Алсынаву, абвінаваціўшчы яго ва «ўзбуджэнні нянавісці» з прычыны прамовы супраць незаконнай золатаздабычы ў Заураллі. Баймак, Рэспубліка Башкартастан, Расея. 17 студзеня 2024 года.

Нямецкі біятланіст Раман Рээс упаў (Roman Rees) на снег пасля перасячэння фінішнай рысы мужчынскай кароткай індывідуальнай гонкі на 15 км на Кубку свету па біятлоне. Разун-Антэрсэльва (Rasun-Anterselva), Італія. 18 студзеня 2024 года.

Паляк арганізаваў акцыю пратэсту, падчас якой тры дні ляжаў у ложку каля помніка Мікалаю Каперніку на Кракаўскім прадмесці ў Варшаве. 24-гадовы Якуб Тарасевіч усё сваё жыццё змагаецца з дэпрэсіяй, неўрозамі і трывогай. Хлопец вырашыў прыцягнуць увагу да праблемы недастатковага фінансавання псіхіятрычнай дапамогі ў Польшчы незвычайнай акцыяй. Варшава, Польшча. 15 студзеня 2023 года.

Плывец абдымае іншага плыўца, калі знайшоў крыж з возера Бечмен (Bečmen) аднайменнай вёскі недалёка ад Бялграду. Праваслаўныя святкуюць Вадохрышча па старым юліянскім календары з традыцыйным здабываннем крыжоў з рэк і азёр. Бялград, Сербія. 19 студзеня 2024 года.

Мясцовы жыхар праходзіць міма разбітай машыны ў двары жылога дому, пашкоджанага ў выніку атакі беспілотніка ў Адэсе. Расея запусціла 20 ударных беспілотнікаў іранскай распрацоўкі па цэлях на поўдні Украіны за ноч, сістэма СПА Украіны знішчыла 19 з 20 БПА. Адэса, Украіна. 17 студзеня 2024 года.

Жанчына ўскладае кветкі ў колерах украінскага сцяга да Сцяны памяці загінулых абаронцаў Украіны ў Кіеве, Украіна. 17 студзеня 2024 года.

Айцец Валянцін Брава добраслаўляе сабаку ля царквы святога Антонія падчас урачыстасцей з нагоды цырымоніі асвячэння жывёлінаў – бэнэідэс (beneïdes – добраславенне на балеарскім дыялекце), якая адзначае Дзень святога Антонія. Мадрыд, Іспанія. 17 студзеня 2024 года.

Спікер Палаты прадстаўнікоў ЗША Майк Джонсан выступае падчас няспання пры свечках з сем’ямі закладнікаў у памяць аб 100 днях нападу «Хамасу» на Ізраіль каля Капітолію ЗША ў Вашынгтоне, акруга Калумбія, ЗША. 17 студзеня 2024 года.