Больш за 6 тыс. штук кветак спрабавалі ўвезці кантрабандаю.
14 лютага праз пункт мытнага афармлення «Урбаны» з Латвіі ў Расею рухаліся аўтамабілі «ДАФ» і «Вольва», якія перавозілі свежазрэзаныя кветкі. Тавар затрымалі ды адправілі ў пункт мытнага афармлення «Віцебск-Цэнтральны» для дагляду.
Працаўнікі аператыўна-пошукавага аддзелу Віцебскай мытні знайшлі 6 тыс. 25 ружаў, не ўказаных у таварасуправаджальных дакументах. Папярэдні кошт затрыманага тавару – Br 190 млн.
Паводле беларускага заканадаўства перавозчыкам пагражае штраф.
МЛ, паводле БелаПАН