Расейскія войскі здзейснілі маштабную атаку на Адэсу. Па горадзе запусцілі 15 беспілотнікаў і 8 крылатых ракетаў. Пацярпелі тры асобы, паведаміў спікер аператыўнага камандавання «Поўдзень» Сяргей Братчук.
Усе паветраныя цэлі былі збітыя сродкамі СПА, сказаў прадстаўнік аператыўнага камандавання «Поўдзень» Сяргей Братчук у адмысловым відэазвароце. Абломкі пашкодзілі будынкі студэнцкага інтэрнату і крамы. Там пачаліся пажары:
«Вораг тройчы атакаваў уначы наш горад. 15 «Shahed» і 8 крылатых ракетаў марскога базавання «Калібр». Усе тры атакі сілы супрацьпаветранай абароны адбілі».
Акрамя таго, выбуховай хваляю ў некалькіх будынках пашкоджаныя шыбы і прыпаркаваныя аўтамабілі.
Пацярпелі трое працаўнікоў супермаркету.
Таксама ўначы былі выбухі ў Запарожжы. Пра наступствы атакі на гэты рэгіён пакуль не паведамлялася.
Сяргей Крот belsat.eu
