Бомбы ў Бостане: выбухоўку са шрапнэллю ўклалі ў скараваркі (Фота)


ФБР апублікавала здымкі фрагментаў самаробных бомбаў, што выбухнулі падчас бостанскага марафону. Бомбы гэткіх канструкцыяў часта выкарыстоўваюць тэрарысты ў Афганістане.

Паводле крыміналістаў, бомбы былі схаваныя ў цёмныя нейлонавыя торбы.

Канструкцыя выбуховага прыстасавання з выкарыстаннем скараваркі – адна з самых папулярных у тэрарыстаў. Гэткія бомбы ў 2006 годзе ўзарвалі ў Мумбаі, неаднаразова гэткія прыстасаванні выбухалі ў Афганістане.

Бомбы, што выбухнулі падчас марафону ў Бостане, мелі паражальныя элементы – кавалкі металу, цвікі, шарыкі ад падшыпнікаў. Гэткую «начынку» тэрарысты дадаюць у выбухоўку дзеля таго, каб ад выбуху пацярпела як мага больш людзей.

У выніку тэракту ў Бостане загінулі тры асобы, у тым ліку 8-гадовы хлопчык. Параненыя 176 асобаў, з іх 17 – у крытычным стане.

М.Л., belsat.eu

Глядзі таксама
Каментары