У Воршы пасажырскі цягнік здзейсніў наезд на працоўных. Пра гэта паведамляе Следчы камітэт.
Паводле СК, удзень 13 лютага на станцыі «Ворша Заходняя» працоўныя чысцілі снег з чыгуначнага палатна. У гэты час тут ішоў дызель-цягнік «Ворша – Крычаў». Машыніст падаваў гукавыя сігналы рабочым і паспрабаваў затармазіць, аднак наезду пазбегнуць не ўдалося.
У выніку 39-гадовы мужчына ад атрыманых траўмаў загінуў на месцы здарэння, другі, 34-гадовы рабочы шпіталізаваны.
Следчыя высвятляюць прычыны і абставіны здарэння.
МГ belsat.eu