Памятны знак прастаяў усяго тры дні.
Крыж усталявалі літаральна некалькі дзён таму грамадскія актывісты: старшыня беларускай філіі міжнароднага таварыства “Мемарыял” Уладзімір Раманоўскі, палітвязень савецкіх часоў Сяргей Ханжанкоў і Ганна Шапуцька, ініцыятарка барацьбы супраць “Бульбашъ Холлу”. Уладзімір Раманоўскі прыйшоўшы ў Курапаты паўторна, знайшоў замест памятнага знака пустое месца. Дзеяч звярнуўся ў міліцыю з заяваю аб украдзеным крыжы.
Гэта ўжо другі выпадак, калі знік знак памяці аб расстраляных польскіх жаўнерах. Першы раз памятны знак афіцэрам польскага войска з’явіўся ў Курапатах 29 кастрычніка і быў выкрадзены на наступны дзень. На месцы выкрадзенага крыжа былі заўважаныя актывісты КХП БНФ, але яны патлумачылі, што толькі прыбіралі тэрыторыю.
Грамадскія актывісты рыхтуюцца ўсталёўваць крыж трэці раз.
belsat.eu