Два высокапастаўленыя кіраўнікі ААТ «Нафтан» былі затрыманыя на працоўных месцах, паведамляе тэлеграм-канал «”Нафтан” против экстремизма».
Як паведляюць працаўнікі ААТ «Нафтан», затрыманы начальнік упраўлення вытворча-тэхнічнай камплектацыі Мікалай Сакалоў і намеснік галоўнага механіка ў справе мадэрнізацыі і рамонтаў Сяргей Бароха.
Са звестак аўтараў каналу, затрыманне звязанае са «справай аб карупцыі і злачыннасці пры будаўніцтве ўстаноўкі запаволенага каксавання».
Як нагадвае канал, у ліпені 2021 года сілавікі затрымалі Юрыя Паршонка, кіраўніка дырэкцыі ў справе інвестыцыйных праектаў. Яго затрыманне было звязана з будаўніцтвам сістэмы ўльтрагукавога кантролю, сцвярджае канал «”Нафтан” супраць экстрэмізму».
Алена Рувіна belsat.eu