Дзейны прэзідэнт самаабвешчанай і саюзнай Расеі Паўднёвай Асеціі Анатолій Бібілаў прайграў 8 траўня ў другім туры прэзідэнцкіх выбараў. Пра гэта паведамляе інфармацыйнае агенцтва «Рес».
Паводле звестак мясцовага ЦВК, у выбарах атрымлівае перавагу лідар палітычнай партыі «Ныхас» і былы сілавік Алан Гаглоеў.
Сам Бібілаў ужо прызнаў сваю паразу і пажадаў Гаглоеву паспяховай працы.
Гаглоеў жа адзначыў, што гатовы «паднімаць планку» ў стасунках з Расеяй: «нарошчваць з ёй напрацоўкі, якія ўжо ёсць у розных сферах узаемадзеяння», перадае ТАСС.
Анатоль Бібілаў стаў вядомы за межамі Паўднёвай Асеціі тым, што ў сакавіку паслаў ва Украіну мясцовыя войскі, якія ваявалі на баку Расеі, напрыклад, у Мэлітопалі.
Таксама перад першым турам прэзідэнцкіх выбараў ён заяўляў, што Паўднёвая Асеція найбліжэйшым часам распачне юрыдычныя крокі для ўваходу ў склад РФ.
ПС belsat.eu
