5 і 6 жніўня на паўднёвым усходзе Беларусі паветра прагрэецца да 36 градусаў. Праз спёку Белгідрамет абвесціў памаранчавы ўзровень небяспекі.
Пляж на вадасховішчы Дразды. Менск, Беларусь. 19 жніўня 2022 года.
Фота: Белсат
У суботу 5 жніўня ў Беларусі пройдуць кароткачасовыя дажджы, у асобных раёнах навальніцы. Днём паветра прагрэецца ад 24 цяпла па паўночным захадзе да 36 вышэй за нуль у паўднёва-ўсходніх раёнах.
6 жніўня ўплыў спякотнай паветранай масы трапічнага паходжання будзе захоўвацца ў Беларусі. На захадзе краіны, а ноччу і ў паўночных раёнах пройдуць дажджы, месцамі прагрымяць навальніцы.
Уначы чакаецца ад 18 да 23 цяпла, а днём ад 29 да 34 вышэй за нуль. Сіноптыкі папярэджваюць, што ў Гомельскай вобласці паветра прагрэецца да 37 градусаў.
Разбор
Рассмоктвайце лёд і піце мінералку. Лекарка распавяла, як не памерці ад спёкі
2023.07.17 20:32
Алена Аляксандрава belsat.eu
