Кіраўнікі Украіны і Расеі паразмаўлялі праз тэлефон. Паводле прэс-службы Уладзіміра Зяленскага, бакі задаволеныя вынікам, дасягнутым на першым этапе нармалізацыі дыялогу.
Таксама прэзідэнты дзвюх краін дамовіліся ў бліжэйшы час абмеркаваць дату правядзення сустрэчы ў Нармандскім фармаце. Акрамя таго, размова ішла пра далейшае ўрэгуляванне канфлікту на Данбасе ў межах Менскага працэсу.
У каментары ўкраінскім журналістам памочнік прэзідэнта Украіны Андрэй Ярмак распавёў, што прэзідэнты абедзвюх краінаў размаўлялі на роўных.
«За той тэрмін, які я бачу, а я бываю на шмат якіх перамовах, пазіцыя нашага прэзідэнта, стаўленне да яго, яго ўменне весці перамовы, не прадугледжваюць, каб хтосьці з ім паводзіў сябе няветліва. Гэта быў роўная размова двух прэзідэнтаў», – адзначыў ён.
Андрэй Ярмак узначальваў украінскую частку групы па абмене палоннымі і лятаў за вызваленымі ўкраінцамі ў Маскву.
Абмен зняволенымі паміж Украінай і Расеяй адбыўся 7 верасня. Ва Украіну вярнуліся 35 чалавек – 24 ваеннапалонных марака і 11 палітвязняў.
ДР belsat.eu