Калі вы марыце працаваць токарам ці даяркаю, а можа проста спадзеяцеся, што праз пару месяцаў дырэктар вашага заводу знойдзе кіентаў у Кастраме і вам дадуць заробак за сакавік… У такім выпадку далей можаце не чытаць.
Думаю, вы неаднаразова сустракалі ў сеціве надакучлівыя рэкламы пра «хуткі заработак у інтэрнэце», але далей размова подзе не пра «халяву» і «мутныя» схемы, а зусім наадварот.
Ад ляноты да свабоды і назад
Эвалюцыя чалавецтва ў пэўным сэнсе падпарадкаваная негалоснаму закону барацьбы з лянотаю. Мы прыдумалі трактар, каб адмовіцца ад плуга, кампʼютар, каб спрасціць і паскорыць няпростыя працэсы разлікаў і прыбраць з гэтых працэсаў чалавечы фактар.
Чалавецтва прыдумала сотні тысячаў розных робатаў і гаджэтаў, якія пачалі мяняць структуру сусветнай эканомікі. Але нягледзячы на гэта колькасць працоўных месцаў не змяншаецца. Ідзе адваротны працэс. А дзякуючы інтэрнэту праца становіцца мабільнаю.
І магчыма некаторым варта змірыцца з тым фактам, што іхны дыплом – туалетная папера, а кваліфікацыя ўжо даўно не адпавядае сучасным рэаліям. Вашыя склілы становяцца неактуальнымі з неверагоднаю хуткасцю, але з той жа хуткасцю мы можам атрымаць новыя веды і новыя магчымасці. Інтэрнэт зробіць вас свабоднымі. Можна на гэтую тэму колькі заўгодна філасоўстваваць, але лепш дзейнічаць. Беражыце сілы на сапраўды карысныя рэчы.
Хацеў як лепш, а атрымалася нешта неверагоднае
У 1972 годзе амерыканец Джэк Нілэс распрацаваў ідэю telecommutingʼа або працы на адлегласці. Навуковец прапанаваў адмовіцца ад працірання нагавіцаў у офісе, каб вырашыць праблему аўтамабільных пробак на амерыканскіх дарогах. Праблема засталася, а праца на адлегласці становіцца ўсё больш папулярнаю.
За 45 гадоў свет перайшоў на новы ўзровень камунікацыі. У хуткім часе інтэрнэт будзе «паўсюль». Праца на адлегласці становіцца нормаю для некаторых спецыялістаў (ІТ, графіка, web-дызайн, журналістыка). За пашырэнне telecommutingʼа ў свой час выступаў папярэднік дзейснага прэзідэнта ЗША Барак Оўбама, падпісаўшы адпаведны дакумент, у якім рэкамендаваў перавесці дзяржслужбоўцаў на хатнюю форму працы, калі гэта магчыма.
Можаш не ўставаць з канапы. Працы хопіць усім!
Калі вы адчуваеце, што хутка трапіце ў у шэрагі беспрацоўных/дармаедаў, то надышоў час вучыцца і шукаць працу праз інтэрнэт.
З чаго пачаць? Як трапіць у будучыню?
1 Пачніце вучыцца. Вашая мэта – атрымаць веды, каб знайсці працу, якая дазволіць жыць паводле прынцыпу: мой офіс там, дзе мой кампʼютар. Неабавязкова мець чырвоны дыплом у БДУ. Усе веды можна атрымаць онлайн. Увага! Лянота хоць і рухавік прагрэсу – яна ваш галоўны вораг.
2 Вывучыце нарэшце ангельскую (ніжэй некалькі карысных спасылак).
3 Завядзіце акаўнты на сайтах для фрылансераў (найбольш папулярныя ніжэй).
4 Не разлічвайце «на хуткі заработак у інтэрнэце». Шлях да карʼернага поспеху ў новай прафесіі можа заняць некалькі месяцаў і нават гадоў.
ТОП-4 вакансіяў, якія дазваляюць зарабляць грошы не ўстаючы з канапы
Для тых, хто не мае амбіцыёзных планаў, няблага піша, мае камунікатыўныя здольнасці і хоча пачаць зарабляць ужо цяпер.
1 Рэрайтынг/капірайтынг і напаўненне сайтаў кантэнтам
Што гэта значыць?
Ваш патэнцыйны працадаўца можа прапанаваць вам напісаць артыкул пра людзей, якія храпуць і прычыны гэтай зʼявы. Або заплаціць вам грошы за карэкцыю тэксту пра кандыцыянеры і іх абслугоўванне.
2 Пошук і збор інфармацыі
Магчыма вам давядзецца прагугліць кошты на майткі ва Украіне або працадаўца папросіць зрабіць спіс самых папулярных відэаблогераў Беларусі.
3 Інтэрнэт-лагістыка і онлайн-кансультацыі
Можна сядзець у Слоніме і працаваць аператарам таксі ў Маскве або онлайн-дыетолагам, сексолагам, спецыялістам у працы з кліентамі і г.д. Сувязь з кліентамі праз інтэрнэт.
4 Хэдхантэр або менаджар па пошуку персаналу
Праца палягае на пошуку тых, хто шукае працу: прагляд рэзюмэ, падборка кандыдатаў, правядзенне ўступных кваліфікацыйных размоваў.
У выпадку, калі ў вас за плячыма шматгадовы менеджарскі досвед і вы прадалі 10 000 кг рагачоўскай сгушчонкі або вы абазнаныя ў PR/фінансах, ведаеце ангельскую і слова fundraiser вас не пужае, то знайсці хатні варыянт працы ўвогуле не праблема. Менеджары, адмінісіратары онлайн-крамаў, ілюстратары, адміністратары, перакладчыкі, рэпетытары – вакансіяў нямала. Але больш за ўсіх прапановаў працы з хаты маюць праграмісты.
Як ім стаць і дзе вучыцца? Неўзабаве на Belsat.eu.
Папулярныя сайты з вакансіямі «праца з дому»
Для тых, хто не валодае ангельскаю
Для ангельскамоўных
- Damongo
- Demand Studios
- Fourerr
- Findeavor
- Fiverr
- FlexJobs
- Freelanced
- Freelancer
- Genuine Jobs
- Gigblasters
- Gigbucks
- Gigbux
- Gigdollars
- Greatlance
- Guru
- Help Cove
- iFreelance
- IMGiGz
- Just Answer
- JobBoy
- Mechanical Turk
- Microworkers
- Minijobz
- People Per Hour
- RapidWorkers
- Short Task
- Smashing Jobs
- Staff
- Student Freelancing
- Taskr
- TenBux
- Tutor
- We Work Remotely
- Workhoppers
- YunoJuno
- Zeerk
Дзе вывучыць ангельскую мову
- Youtube (незлічоная колькасць лекцыяў)
- FutureLearn
- edX
- Open Learning
- Coursera
Атрымлівайце новыя веды, шукайце падпрацоўкі, збірайце рэкамендацыі ад вашых дыстанцыйных працадаўцаў, вучыцеся і надыдзе дзень, калі вам не трэба будзе стаяць у пробцы ў перапоўненым грамадскім транспарце. Ваш працоўны дзень пачнецца тады, калі гэта будзе патрэбна вам.
ЮВ, belsat.eu
