Ярмошына назвала асноўныя прычыны адмовы рэгістрацыі кандыдатаў у дэпутаты


Старшыня ЦВК Лідзія Ярмошына падсумавала этап выбарчай кампаніі і распавяла, чаму некаторыя прэтэндэнты не атрымалі статус кандыдата. Пра гэта паведамляе Нацыянальны прэс-цэнтр.

Паводле Лідзіі Ярмошынай найменшая колькасць адмоваў зафіксавана ў кандыдатаў, якія вылучаліся палітычнымі партыямі. Галоўная памылка такіх вылучэнцаў, паводле словаў старшыні ЦВК, звязаная з недакладнымі звесткамі ў дэкларацыях аб прыбытках і маёмасці. Што тычыцца прэтэндэнтаў, якія вылучаліся шляхам збору подпісаў, то там высокі адсотак недакладных подпісаў, а адпаведна і адмоваў.

«Некаторыя проста не могуць быць кандыдатамі, паколькі кандыдатам можа стаць асоба, якая стала жыве на тэрыторыі Беларусі. Адзін, напрыклад, навучаецца ў Варшаве. Прычым публічна пра гэта распавядае. Некалькі працуюць у Расеі. Камісіі цяпер разглядаюць скаргі. Але есць яшчэ суды, рашэнні якіх з’яўляюцца канчатковымі», – нагадала Лідзія Ярмошына.

Левая нага Ярмошынай вырашала, каго зарэгістраваць кандыдатам

Адметнасцю сёлетняй кампаніі, на думку Лідзіі Ярмошынай, зʼяўляецца тое, што сярод кандыдатаў практычна няма беспрацоўных. Пры гэтым старшыня ЦВК адзначыла, што праз нядобрасумленнасць і парушэнні законаў можна пазбавіцца статуса кандыдата.

«Калі кандыдат будзе і ў сацсетках, і ў сваіх выступах дапускаць паклёпы, абразы, распальваць сацыяльную варажнечу, заклікаць да гвалтоўнага звяржэння канстытуцыйнага ладу, то гэта падстава для адмены яго рэгістрацыі ў якасці кандыдата ў дэпутаты», – распавяла Лідзія Ярмошына.

Старшыня ЦВК спаслалася на артыкул 47 Выбарчага кодэксу, паводле якога забароненыя прапаганда вайны, заклікі да гвалтоўнай змены канстытуцыйнага ладу, парушэння тэрытарыяльнай цэласнасці краіны, абразы і паклёп у дачыненні да службовых асоб, кандыдатаў у дэпутаты або прэзідэнты. Таксама не дапускаюцца заклікі да зрыву, адмене або пераносу ўжо прызначаных выбараў.

Выбары ў Палату прадстаўнікоў маюць адбыцца 17 лістапада. Да гэтага дня кандыдаты могуць праводзіць агітацыйную кампанію.

Лябедзька заклікаў падпісаць петыцыю за звальненне Ярмошынай

СК belsat.eu

Глядзі таксама
Каментары