Чатыры асобы пацярпелі ў выніку выбуху ў Вайсковай акадэміі імя Мажайскага ў Санкт-Пецярбургу, паведаміла расейскаму агенцтву «Интерфакс» крыніца са службы хуткай дапамогі.
«У акадэміі Мажайскага прагрымеў выбух. З траўмамі шпіталізавалі чатырох асобаў, як мяркуецца курсанты», – паведаміла крыніца.
Паводле крыніцы выдання, выбух адбыўся падчас заняткаў у адным з навучальных карпусоў акадэміі.
Як паведамляе тэлеканал «Санкт-Петербург», у будынку могуць быць заблакаваныя яшчэ 10 чалавек. У будынку абрынуўся лесвічны пралёт.
Акадэмія імя Мажайскага ажыццяўляе падрыхтоўку спецыялістаў для касмічных войскаў, войскаў супрацьпаветранай абароны, ваенна-тапаграфічнага ўпраўлення Генштабу і іншых сілавых ведамстваў.
ЮВ belsat.eu
