Вільня і Тэль-Авіў падтрымалі беларускіх пратэстоўцаў. На чарзе – Беласток і Гданьск
Беларуская дыяспара працягвае ладзіць акцыі салідарнасці з пратэстоўцамі ў Беларусі. Чарговыя акцыі прайшлі 17 ліпеня.
У сталіцы Літвы Вільні ўдзельнікі акцыі «За дэмакратычную Беларусь» сабраліся каля дому ўраду Літвы, каб выказаць сваю салідарнасць з затрыманымі, журналістамі.
У акцыі ўдзельнічалі каля 30 людзей: мясцовыя беларусы, студэнты ЕГУ, замежныя студэнты і іншыя. Удзельнікі падпісалі зварот да прэм’ер-міністра, які перадалі ўрада.
Таксама падобны зварот да кіраўніка ўраду, прэзідэнта Літвы зрабілі парламентарыі Літвы і еўрадэпутаты.
Кожную пятніцу беларусы Літвы ладзяць акцыі каля розных урадавых устаноў і міжнародных арганізацыяў.
Таксама 17 ліпеня беларускіх пратэстоўцаў падтрымалі і ў Ізраілі – у Тэль-Авіве.
Тут на акцыю салідарнасці таксама прайшлі некалькі дзясяткаў чалавек.
18 ліпеня акцыя «Стоп рэпрэсіям у Беларусі» запланаваная ў Беластоку і ў Гданьску.
МГ belsat.eu
