У Расейскім урадзе выказванні кіраўніка Беларусі Аляксандра Лукашэнкі ў справе распаўсюду каронавірусу выклікалі здзіўленне. Паводле прэсавай службы расейскага ўраду, сітуацыя ў Беларусі з каронавірусам больш сур’ёзная, чым у Расеі.
У расейскім урадзе прыйшлі да высновы, што сыходзячы з колькасці інфікаваных на каронавірус у прапарцыйных суадносінах да колькасці насельніцтва, сітуацыя ў Беларусі значна больш сурʼёзная, чым у Расеі. Таму, лічаць урадоўцы, словы Лукашэнкі, што «Расея ўся палае ад каронавірусу», не адпавядаюць рэчаіснасці.
У паведамленні ўраду РФ падкрэсліваецца, што Масква загадзя папярэджвала Менск пра закрыццё мяжы і абмежаванне перамяшчэнне грамадзянаў. У прыватнасці прэмʼер-міністр Расеі Міхаіл Машусцін тэлефанаваў свайму беларускаму калегу Сяргею Румасу.
«Выклікае здзіўленне, што ва ўмовах электаральнага цыклу кіраўніцтва Беларусі выступае з падобнымі заявамі, якія не спрыяюць выпрацаванню ўзгодненых захадаў па сумесным супрацьдзеянні распаўсюду каронавірусу. Расейская бок разлічвае, што беларускія партнёры зоймуць канструктыўную пазіцыю ў інтарэсах захавання здароўя і эпідэміялагічнага дабрабыту грамадзянаў Беларусі і Расеі», – адзначаецца ў заяве.
У пачатку сакавіка Мінздароўя абурылася фэйкавым паведамленнем на расейскім тэлебачанні, у якім прагучала, што ў Беларусі пацыент памёр ад каронавірусу. Але неўзабаве пасля рэакцыі беларускага боку, відэа на сайце «Першага каналу» было выдаленае. Пазней расейскія журналісты папрасілі прабачэння за гэтую інфармацыю.
СК belsat.eu