«По соображению карантина». Расея закрывае мяжу з Беларуссю

У нядзельным інфармацыйным шоў на тэлеканале «Россия-1» вядоўца Дзмітрый Кісялёў анансаваў, што цягам наступнага тыдня Расея закрые мяжу з Беларуссю.

Паводле Кісялёва гэтыя захады неабходныя для перадухілення распаўсюду пандэміі каронавіруса. У сваю чаргу ў нядзелю Міністэрства аховы здароўя Беларусі выступіла з заяваю, у якой патлумачыла, чаму беларускія ўлады не ўводзяць каранцін на тэрыторыі краіны.

Улады Расеі пацвердзілі закрыццё мяжы

16 сакавіка на аператыўнай нарадзе закрыццё мяжы з Беларуссю пацвердзіў прэм’ер-міністр РФ Міхаіл Мішусцін.

«Мы таксама прынялі рашэнне аб закрыцці мяжы з Беларуссю для перамяшчэння людзей, зрабілі шэраг іншых папераджальных крокаў», – сказаў ён, паведамілі ў расейскім урадзе.

МЗС Беларусі пакуль вывучае інфармацыю пра рашэнне Расеі закрыць мяжу з Беларуссю, паведаміў ТАСС прэс-сакратар беларускага вонкавапалітычнага ведамства Анатоль Глаз.

Паводле яго, пазней МЗС плануе выступіць з тлумачэннямі для грамадзянаў у сувязі з новымі мерамі РФ.

Не змог пракаментаваць журналістам закрыццё мяжы і афіцыйны прадстаўнік Дзяржаўнага памежнага камітэту Беларусі Антон Бычкоўскі. Паводле яго, «беларускіх памежнікаў на мяжы з Расеяй няма, іх знаходжанне там не планавалася».

У Беларусі каранціну не будзе. І вось чаму

15 сакавіка Уладзімір Пуцін падпісаў распараджэнне аб працоўнай групе дзяржсавету па супрацьдзеянні каронавірусу. Кіраўніком групы прызначаны мэр Масквы Сяргей Сабянін.

Апроч Расеі, мяжа з якой пакуль застаецца адкрытаю, усе краіны суседзі – Украіна, Польшча, Літва, Латвія – закрылі свае межы з Беларуссю.

AA belsat.eu

Hавiны